? Escola de Música Municipal de Vila de Cruces organizou para este verán tres cursos de formación musical e instrumental. O máis salientable destes é o que se corresponde co I Curso Internacional de Saxofón, que impartirán no Auditorio cruceño os mestres Marie-Bernadette Charrier e Pablo Coello durante os días 31 de xullo ó 6 de agosto. Charrier é mestra de saxo no Conservatorio Nacional de la Región de Burdeos, e Coello especializouse neste mesmo conservatorio na interpretación de música comtemporánea. Outro dos festivais, que se celebrará en Merza entre o 18 e o 20 de xullo, estará dedicado á trompeta e será impartido polo mestre Benjamín Moreno, quen se encarga da preparación dos metais na Joven Orquesta Nacional de España, entre outras. O curso de fagot, terceiro dos organizados pola Escola de Música Municipal de Cruces, terá a súa sede no Auditorio desta vila. O encargado de impartilo será o mestre Guillermo Salcedo Rubio, quen recibiu varios premios tanto nacionais coma internacionais e debutou como solista acompañado da Orquestra de RTVE. O número de alumnos activos será de 12 por cada mestre (o curso de saxo estará impartido por dous mestres), sendo libre o número de oíntes.