Entrevista | José Manuel Fernández, «Pekas» ACTOR LALINENSE Este mozo lalinense participou no filme Camarón, de Jaime Chávarri, que está a rematarse
05 may 2005 . Actualizado a las 07:00 h.Lembra con exactitude os seus primeiros contactos co mundo audiovisual... -Foi en Lalín, en Canal Deza. De seguido marchei para Santiago, para traballar na Televisión Española, e agora levo tres anos vivindo en Madrid. -¿Alí había máis posibilidades de darse a coñecer e de poder traballar? -O feito de marcharse para un lado ou outro depende das inquedanzas de cada persoa en particular. En Galiza xa se pode pelexar e realizarse profesionalmente e o máis importante é querer traballar, nada máis. -¿O obxectivo primordial era ser actor? -É algo que me atraía, pero non esperaba conseguir un papel tan pronto nun filme que dirixe Jaime Chávarri. Camarón é o título desta película que terminará de rodarse nestes días e na que que fago o papel de Federico. -¿Quen é Federico? -O filme decorre alá polos anos setenta e, por aquel entón, Camarón e Tomatito viaxan a Francia e Alemania e Federico é o home que lles organiza o desprazamento e é quen leva a Camarón por mal sitio. Son o malo, a tentación que o empurra...