O Berres estréase na Liga de Fútbol Veterano de Santiago cun 2-1 ao Castrosúa
DEZA
?ictorias e derrotas contabilizáronse por igual o pasado sábado entre os representantes da zona nas ligas da Agrupación de Fútbol Veterano de Santiago. División de Honra O Veteranos de Lalín confirmou o seu pésimo inicio de competición perdendo o seu terceiro encontro consecutivo. O Maderas Ramos, a domicilio, foi o seu último verdugo: 2-1. Un resultado que mantén o conxunto dezao no penúltimo posto da táboa como un dos tres únicos equipos da Liga que aínda non deron puntuado tralas tres primeiras xornadas. Primeira División A Nas antípodas do Veteranos Lalín, o A.V. Lalín/Inasus non só defendeu á perfección o seu liderato cun claro triunfo sobre o San Roque, 5-2, senón que ademais se queda só na cabeza da Primeira División A mercede ao pinchazo do Agrícola Santa Lucía Marrozos, que empatou a 2 na súa propia casa co Pub Momo San Pedro. Agora o Lalín/Inasus dispón de 12 puntos, con catro partidos gañados e un perdido, polos 10 do Agrícola Santa Lucía. Primeira División B Á quinta foi a vencida. O Veteranos C.D. Berres conseguíu por fin os primeiros puntos na súa nova categoría. O sábado derrotou 2-1 o Castrosúa saltando deste xeito catro postos na táboa, desde o faroliño vermello ata a décima praza. Segunda División Sorte desigual para os tres representantes do Deza e Tabeirós-Montes. O Ríver Silleda perdeu o seu efímero liderato ao caer 3-1 na súa visita ao Boiro Recambios Barbanza, novo cabeza de Liga con 7 puntos. O Ríver ten 6 e agora é terceiro empatado co Karachi Rías Baixas, que á súa vez venceu o Hierros Diego 4-2. O Hamburguesería Verde deu a única alegría superando 3-0 ao Electrónica Ricardo e escalando do décimo ao sétimo posto da táboa. Terceira División O Excavaciones Naviceiro conservou o seu primeiro posto pesie a empatar a 3 no feudo do Comercial T.F.N. Iso si, agora figura á par no alto da táboa co veciño Grúas Lalín-Deza, que se levou o derbi comarcal da xornada por un axustado 3-4 en Lamela. O Panadería Jesús Rodeiro gañou o seu primeiro partido, 2-0 ao Comercial Santas, e o Cercio voltou a perder, nesta ocasión pola mínima co Sionlla, 0-1. O Cercio e o Lamela mantéñense así como únicos equipos sen puntuar. Sorteo da Copa O bombo deparou na primeira ronda os seguintes duelos para os equipos do Deza e Tabeirós-Montes: Restauraciones Galegas-Lamela; Cercio-Terra de Xallas; Triñanes e Hijos-Hierros Diego; Veteranos de Lalín-Muebles Guadalupe; Hamburguesería Verde-Grúas Lalín/Deza; Berres-Negreira; Perforaciones Galicia-Panadería Jesús Rodeiro; Ríver Silleda-Lalín/Inasus; Recambios Barbanza-Excavaciones Naviceiro Bermés. A ida será o día 30 e a volta o 13 de novembro.