O CRISOL | O |
22 sep 2003 . Actualizado a las 07:00 h.CHEGOU ESE temido momento que moitos agardaban, e non precisamente con ilusión. Volvemos estar na estación das follas caídas, da volta ó colexio, do trauma postvacacional, das alerxias oculares e das depresións. O outono voltou, e faino en todo o seu esplendor. Os días tristes e nublados serven de aperitivo ás choivas, ventos e demáis factores metereolóxicos. Agora xa queda moi lonxe iso que chaman verán, os días de praia e a calor abafante. Cada vez falta menos para o frío invernal, as chemineas acesas e a calefacción a todo gas, e nunca mellor dito. Este é o momento axeitado para desempolvar os xerseis de lá, os plumíferos e as catiuscas. Os edredóns e as pesadas mantas volven cobrar protagonismo. As follas caidas e a cor gris que o invade todo é outro síntoma máis de que hai que esquecérse dos xeados nas terrazas e volver a acostumarse ós chocolates quentes nas cafeterías. Os días fanse cada vez máis curtos e as noites son irremediablemente máis longas. A rutina apodérase das xornadas e o verán semella moi lonxe. Quedan moitos meses para a calor, así que o mellor será tentar acostumarse.