Interacción


No ano 1977, o bretón Alan Stivell, prologa o primeiro traballo discográfico de Emilio Cao, Fonte do Araño. Pouco antes, o recoñecido grupo francés de música folk Malicorne, grava algún tema con gaita galega mentres que os bretóns Bleizi Ruz, referencian tamén a Galicia e empregan a nosa gaita no seu instrumental. Pouco despois o prestixioso gaiteiro bretón, Patrick Molard, grava o tema tradicional galego Aires de Pontevedra, que segundo el mesmo di, aprendeu do repertorio de Milladoiro, grupo senlleiro do folk feito en Galicia. Molard era unha icona da música bretoa e este tema converteuse nunha melodía obrigada no repertorio dos gaiteiros bretóns. Este feito supuxo que tamén se expandise ao dos escoceses e polo tanto e por influencias, se fixese máis internacional; de feito eu escoiteillo a unha banda irlandesa-americana en Nova York. Naquela altura o grupo Xorima trunfaba no Festival Intercéltico de Lorient na Bretaña e varias pezas do seu repertorio tamén se converteron en temas habituais de diferentes grupos e solistas deste estilo. Máis temas de Milladoiro, como A Bruxa tamén foron versionados por outras bandas de música celta e así a música galega comezaba a ter unha nova dimensión que era a de exportar melodías, situándonos no mapa e poñendo o interese de moita xente no que aquí acontecía musicalmente. Comezaban as relacións intercélticas contemporáneas e Galicia empezaba a interactuar neste contexto paseniñamente. Dende o ano 1978 o Festival de Ortigueira é lugar de encontro en Galicia de músicos da area céltica e por el pasaron grandes bandas que marcaron a identidade dun evento que co paso do tempo chegou a ser unha das grandes referencias mundiais. Galicia foise convertendo nun epicentro destas músicas. Carlos Núñez e The Chieftains apuntalaron a internacionalización da nosa música e Mike Oldfield interesábase pola música de Luar Na Lubre versioneando o tema que lle dá nome a esta columna. Moi resumidamente pódese intuír que hai base para que a música galega puidese traspasar sen moito problema fronteiras xa que dende aqueles primeiros momentos que citei viñeron moitos máis. O caso é que a situación non é boa e contrasta coa calidade de músicos, propostas e valoración que ten a nosa música na actualidade. U-lo o problema para non avanzar?

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
9 votos
Comentarios

Interacción