«Ser distinto dá medo»

Borja Casal / H.J.P. REDACCIÓN / LA VOZ

CULTURA

A autora aborda a transexualidade nunha novela dende o ámbito do cotián e cunha linguaxe clara e directa

13 nov 2017 . Actualizado a las 05:00 h.

Eva Mejuto (Sanxenxo, 1975) vén de publicar a súa primeira novela xuvenil con Xerais, 22 segundos. Un libro no que un mozo transexual chamado Álex comeza unha viaxe cara si mesmo despois de subir un vídeo á súa canle de YouTube, na que compartirá anacos da súa vida e das súas experiencias.

-Parece que escribir sobre transexualidade segue a ser un tabú. ¿Como se entende «22 segundos» dentro da literatura galega?

-Na literatura infantil e xuvenil galega é a primeira vez que se toca este tema, e na adulta penso que de maneira tan directa non se ten tocado. Nesta historia a transexualidade é o tema central e está claro que segue sendo tabú porque, a estas alturas, non hai ningún libro que toque esa temática cando é unha realidade máis que evidente.