O alcalde de Curtis, Javier Caínzos, di que se crearon 800 postos de traballo coas grandes industrias
11 may 2019 . Actualizado a las 22:47 h.Javier Caínzos (Curtis, 1966) leva como concelleiro dende o 95 e alcanzou a alcaldía no 2001
-Como foi o mandato?
-Estase vendo materializado o traballo desenvolvido desde que estamos no Concello, creáronse máis de 800 postos de traballo co asentamento de grandes industrias e un investimento de iniciativa privada de máis de 200 millóns. Fixemos un esforzo coas familias en relación á igualdade e conciliación. Froito diso foi o recoñecemento que tivemos do Goberno central e da FEMP con dous programas pioneiros. Foi a lexislatura crucial de transformación.
-Ten medo a que Curtis se sume a España baleira?
-Estamos alerta e preocúpamos, nos anos anteriores baixáramos en poboación, pero queremos cambiar a tendencia, agora mantémola coa xente que ven a traballar aquí.
-Que leva no programa?
-Unha nova cita coas urnas é unha oportunidade para ratificar e consolidar un goberno serio, estable e de confianza que permita darlle un impulso para o seu crecemento.
-Que lle fai falta a Curtis?
-Levamos un programa amplo de actuacións, pero un dos piares vai ser o desenvolvemento urbanístico nos cascos urbanos de Teixeiro e Curtis para a promoción de vivendas, a maiores de ratificar as peticións dos veciños do rural no PXOM.
Xosé Manuel Tomé (Asembleas Abertas): «Precisamos un servizo de madrugadores nos colexios e colaborar coas ANPA»
Xosé Manuel Tomé (Teixeiro, 1980) leva sendo a oposición varios anos en Curtis.
?Que é o que máis lle amola do goberno local?
?A ausencia de diálogo, non se aceptan propostas.
?Como definiría a xestión?
?Caínzos dirixe o Concello como se fose a súa empresa familiar. Ademais, vive lonxe do municipio, ao igual que moitos dos seus concelleiros, así non sofren os problemas que viven os veciños.
?De ser alcalde, que é o primeiro que cambiaría.
?Pois quitar o medo na veciñanza e que todo o mundo poida participar na vida pública. Precisamos un servizo de madrugadores nos colexios, colaborar coas ANPA, transporte escolar no remate das actividades... Tamén hai que reforzar os servizos médicos.