Xiao Varela: «O concurso de compra de vivenda foi un fracaso»

O concelleiro de Rexeneración Urbana asegura que nunca houbo inxerencias políticas no proceso e entende que o erro foi dos funcionarios


A Coruña / La Voz

O concelleiro de Rexeneración Urbana, Xiao Varela, foi o responsable de poñer en marcha o concurso de vivenda. A oposición pide a súa cabeza polo fiasco no proceso, pero Varela insiste en que se trata dun erro dos funcionarios. Desde que se coñeceron os ditames do Consello Consultivo el foi a única cara visible do goberno local para dar explicacións sobre o acontecido.

 -Por que se insistiu durante meses en que todo estaba ben cando a oposición estaba a sinalar os erros?

-Non negamos durante meses nin tiñamos indicios cando a polémica comezou. No momento en que empezamos a verificar que así era, sempre o recoñecemos. O que non queriamos de inicio era poñer na picota aos funcionarios. É patente que houbo erros, pero foron no procedemento, e os funcionarios traballan nun ámbito de presión e cunha ausencia de recursos importante.

-Vostedes so recoñeceron erros nun piso. Por que non admitiron o resto?

-Non se consideraron esenciais, pero en calquera caso se decidiu ir ao Consultivo con todas as consecuencias.

-O Consultivo tamén critica que se fixeran informes a posteriori para darlle encaixe aos incumprimentos. Non hai responsabilidades que asumir por eses informes?

-Os funcionarios actuaron, e así o dixeron por escrito, con total independencia. Non houbo ningún tipo de inxerencia política. É certo que nun intento de defender o interese municipal a asesoría xurídica o que fixo foi interpretar, si había erros, que podían ser emendables.

-O Consultivo, analizando só o primeiro problema en cada caso, ve erros evidentes.

-Hai un erro principal, a ausencia de revisión técnica dos inmobles. No piso da rúa Santander había un oco á rúa cando tiña que ter dous, e no da Barrera. Pensamos que era emendable. A intención do concurso era positiva, aumentar o exiguo parque de vivenda municipal, de pouco máis de 400.

-As bases si obrigaban a ter un número de ventás. Persoas que viron a convocatoria e non cumprían, puideron non presentarse por iso.

-É certo, iso indica o Consultivo como un vicio esencial.

-Non hai unha responsabilidade política en que o plan municipal de vivenda deste mandato se reduza, finalmente, a compra dun único piso?

-As políticas máis difíciles de implementar son as de vivenda. Para a oposición segue a ser un ben de mercado e nós estamos tentando transformar ese modelo e conseguimos abrir unha liña de traballo, que loxicamente ten que mellorar, pero demostramos que é posible. En todo caso, independentemente de que estou apesarado e de que creo que foi un fracaso o concurso de compra de vivendas por este erro que se cometeu, estou moi satisfeito coas políticas da área no que ten que ver co urbanismo e co arranque das política de vivenda, que espero que dean froitos nun segundo mandato.

-Nos últimos decenios fixéronse na cidade vivendas de promoción pública, tanto pola Xunta como polo Concello. Por que non se actuou desa maneira para solucionar o crecente problema do aluguer?

-Optamos por este concurso precisamente para intervir sobre o edificado. Este concello xa consumiu unha grande porcentaxe do seu solo e ten un número de vivendas baleiras moi elevado.

-Hai funcionarios molestos porque so nese corpo se asumiran responsabilidades.

-Trasladeilles o meu respecto, o meu recoñecemento, e sendo conscientes de que, téndose cometido erros, non dubido en absoluto da súa honestidade nin da súa valía.

«Ninguén poderá demostrar, porque non foi así, que se actuara para favorecer a ninguén»

O Concello mercou seis pisos no seu plan de vivenda. Deles, dous á mesma persoa, Toni Lodeiro, asinante da Marea e consultor no Concello de Barcelona desde a chegada de Ada Colau.

-O PP afirma que lle mercaron dous pisos a un amigo.

-O PP está a tentar ensuciar todo o procedemento con razóns que son falsas. É verdade que houbo erros, pero ningunha das decisións que se tomaron tiveron nada que ver nin con persoas concretas nin houbo inxerencia política. O PP non ten crédito para vencellarnos a eles. Ninguén poderá demostrar, porque non sucedeu, que este goberno teña actuado neste proceso para favorecer a ninguén en concreto. Nin neste caso nin en calquera outro.

-É casualidade que o 33 % das compras do plan municipal de vivenda sexan a unha persoa do seu partido?

-Pois si, non é outra cousa que unha coincidencia, porque ademais se demostra que hai outros pisos que adoecen deses mesmos erros. Estamos a elevar ao Consultivo outros tres de persoas completamente distintas. Non sei cal é a militancia destas persoas, como tampouco revisei cal era a dos anteriores.

-Os veciños da rúa Joaquín Martín Martínez quéixanse de que desde que mercaron o edificio non pagan a comunidade nin a derrama do ascensor. Van solucionar iso?

-Coincidindo co Consultivo en que a compra é nula, estamos a coidar moito os pasos a dar e os próximos serán co asesoramento dos servizos xurídicos. En calquera caso, o piso xemelgo do que resultou nulo foi legalizado pola anterior corporación.

-O Consultivo di que irregularidades previas non xustifican outras novas. Van revisar o resto dos pisos dese edificio?

-Non me vou adiantar, pero demostra que a xestión urbanística pasada foi deficiente.

La Marea asume que la compra de cinco pisos es nula cuando ya tienen inquilinos

Xosé Gago
Imagen de la reunión de la Comisión de Urbanismo
Imagen de la reunión de la Comisión de Urbanismo

El gobierno local gastó 318.255 euros en ellos y dice desconocer cuánto costará resolver el fiasco

El gobierno local avanzó ayer en los trámites para anular cinco de las seis propiedades que adquirió mediante el concurso de compra de vivienda para uso social.

Ya es seguro que dos inmuebles, una oficina situada en la calle Joaquín Martín Martínez y una vivienda en la calle Santander, serán devueltos a su dueño, Toni Lodeiro, un firmante del manifiesto de la Marea Atlántica al que se pagaron 145.865 euros. La devolución es obligada porque el Consello Consultivo ha emitido dictámenes que obligan a anular la operación tras detectar irregularidades en el proceso.

Seguir leyendo

Conoce nuestra newsletter con toda la actualidad de A Coruña

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos
Comentarios

Xiao Varela: «O concurso de compra de vivenda foi un fracaso»