As declaracións de Tello sobre Bob Dylan -«non saúda, canta de costas...», dixo o pasado martes- valéronlle un treboada de críticas.
-O seu compañeiro na rolda de prensa, o socialista Garcés, dixo que se chega a saber a que se monta, contrata a Dylan. ¿Pensa o mesmo?
-Eu non opino.
-Pero polas palabras de Garcés, a contratación de artistas na cidade parece un pouco improvisada.
-Non teño nin idea. Iso é unha cousa que leva o IMCE, e non teño nin idea de como se fai.
-Se tivese todo o diñeiro do mundo, ¿a quen ficharía?
-Ui!... teño tantas preferencias, pero é de sobra coñecido que teño debilidade polos Rolling Stones. Bob Dylan encántame tamén, pero eu serei toda a vida como un rolling stone.
-Pero recoñeza que...
-Non, ese tema para min está rematado. Quen me coñeza sabe qué penso sobre a música, sobre Dylan e sobre o punk... pouca xente hai tan roqueira e musiqueira coma min.
-Hai un ano dicía vostede que, na oposición, o falar non ten cancelas. Agora no goberno...
-Un fala e despois resulta que os demais interpretan. E ás veces inténtase facer dano. Eu son tan natural e tan inxenuo e teño tan pouco dobre sentido. E teño tan pouca mala leche que comento diante dos medios o que sinto. Pero eu digo que seguen sen gustarme os directos de Bob Dylan. Paréceme un carota. Vaite a Inglaterra ou a Internet e pregunta que opinan del.
-¿Non o frustra o programa festivo da cidade?
-Non.
-¿E os 800 anos?
-Non tiven nada que ver na programación. Se dependese de min, faría outras cousas. É unha cuestión de gustos.
-Negreira (PP) púxose un 7 no seu labor de oposición ¿Que nota lle pon vostede?
-O día que presenten unha proposta poderei xulgalos.
-Di que vostede esqueceu os anos que estivo no seu lugar.
-O que estou tratando é de corrixir as cousas que entón non funcionaban. Algunhas cousas seguen sen funcionar.
-¿Adoita cear con Losada?
-Non. Falo con el nos despachos, ou nos corredores.
-¿Que hai do «La, la, la»?
-Cada vez vexo menos, cada vez está máis depurado. O que vexo é que estamos solucionando problemas sen ningunha crispación.