Os retos


Mantemento das infraestruturas municipais. «Investimos cada ano 4,3 millóns en manter todo o que temos. Son moitas infraestruturas as que hai que manter e o seguiremos facendo, como sempre. A sorte é que non temos que facer moitas máis».

Futuro sen a térmica. «Primeiro temos que buscar a reposición deses 1,3 millóns da central [en concepto de IBI], e, posteriormente, trataremos de que se faga un plan industrial: que se acometa un polígono industrial, que o Igape axude ao seu crecemento e, polo tanto, recuperar gran parte dos empregos das empresas auxiliares da central térmica. Sería un polígono a financiar a tres bandas: Estado, Xunta e Naturgy, con apoio de fondos europeos».

Lago das Encrobas. «Agora estamos co tema do deslinde, que, esperamos, estea listo en dous ou tres meses. A partires de aí xa poderiamos plantexarnos facer cousas. Probas de piragüismo? Habería que facer as pistas e son cuestións que exceden do labor do Concello. A Xunta traballa nese sentido, pero falamos de 4 millóns de euros e haberá que ver como se afronta este investimento e que entidades colaborarían no proxecto deportivo».

O Acevedo. «Temos o proxecto de ampliación e os terreos xa cualificados. En caso de que fose necesario acometeriamos a ampliación sen maior problema».

Aquapark. «Estamos construíndo unha piscina nova para nenos con idades comprendidas entre los 11-12 anos. E posteriormente acometeremos un investimento de 1,8 millóns de euros para unha atracción con 25 metros de altura, máis de 80 metros de percorrido e onde se poidan tirar sete persoas á vez. Creo que este proxecto sería unha realidade para dentro de dous anos».

Plan Miner. «Aínda estamos á espera de que se pronuncie a Audiencia Nacional. Temos 15 millóns de euros pendentes de cobrar deste plan mineiro».

Fixación de poboación. «Temos un problema, non de industria, senón de prezos. O prezo do aluguer e de compra de vivenda en Ordes é moito máis barato que en Cerceda, porque en Cerceda, polo xeral, os terreos están en mans de persoas e familias podentes, e non os venden o fano a prezos desorbitados».

Cerceda de Fútbol. «Segue igual, sen actividade algunha e pendentes de que se celebre unha asemblea de socios para proceder a súa disolución, se así o deciden».

PXOM. «Seguramente rescindiremos o contrato coa empresa adxudicataria que leva o proxecto urbanístico e logo, a idea que temos e volvelo a sacar a concurso para reiniciar os trámites é ter un plan xeral en Cerceda á maior brevidade posible».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Os retos