Veño de asistir as tarefas de carga, no porto ceense de Brens, de 29 pantaláns de formigón con destino a Panamá. Empresas galegas, algunhas de Santa Comba e Carballo, elixiron esta rada autonómica como lugar de construción das estruturas para proceder ao seu embarque ao porto de destino ao istmo centroamericano.
Nin que dicir ten que a Portos de Galicia énchelle de satisfacción comprobar, unha vez máis, a versatilidade da infraestrutura construída pola Xunta que engrosou a súa «folla de servizos» con esta nova actividade económica, xeradora de riqueza e creadora de emprego.
Porque tratase de iso: facer rendibles os investimentos, optimizalo seu uso e que xeren valor engadido na súa contorna. Todo o noso apoio a estas e futuras iniciativas empresariais para seguir incrementando o músculo do sistema portuario autonómico. As expectativas son boas sobre este emprendimento e outros que poden vir e desde a Consellería do Mar querémolas compartir coas entrañables xentes da Costa da Morte.