Dende os vindeiros días e ata mediados de decembro, as propostas serán variadas
28 sep 2025 . Actualizado a las 05:00 h.Dende case xa mesmo e ata o 14 de decembro, terá o Concello de Cabana un intenso Outono cultural que pasa por baile, cinema, obradoiros, Samaín, teatro, exposicións, música coral, solidariedade, conmemoración do 25N e incluso primeiras citas de Nadal, panxoliñas incluídas. Sempre referente, cómpre lembrar que haberá visitas guiadas ao dolmen de Dombate de venres a domingo, de 10.30 a 14.00 e de 16.00 a 18.30 horas. Xustamente no Centro Arqueolóxico, ademais, e durante este vindeiro mes de outubro, poderase visitar a exposición Cantade todos a unha: o cantigueiro popular galego, proposta da Xunta. Por se quere axendar, a primeira cita do programa será o 19 de outubro: un domingo de baile amenizado por Judith Cundíns, no centro de maiores.