O escultor vimiancés expón na Casa da Cultura as primeiras obras pétreas que foi realizando no seu obradoiro de Calo
03 ago 2014 . Actualizado a las 07:00 h.O comezo de Javier Lavandeira exponse en Vimianzo. Son os «primeiros fillos» deste rapaz de Calo que con 28 anos está decidido a continuar a tradición familiar dos Canteiros. A exposición pode verse na Sala Antón Mouzo da Casa da Cultura de luns a venres desde as 9 da mañá ás 3 da tarde e os sábados de 9 da mañá á 1 da tarde.
-¿Por que actividade humanitaria destacou o Rubio de Camelle?
-Era percebeiro...
-¿Verbena ou foliada?
-Verbena. Non son moi de festa.
-¿Cal foi o primeiro faro electrificado de España?
-O faro de Camariñas. Casei alí. Foi un pouco estraño por facelo nun lugar tan emblemático e que fóramos os primeiros en ter a voda alí. Tantos anos que está aí e ninguén se fixou nel.
-¿Cando foi a última vez que puxo unha tixola ao lume?
-Onte á noite. Non teño moito tempo para cociñar pero non é algo que se me dea mal.
-¿Cal é o produto máis famoso do verxel de Bergantiños?
-A pataca.
-¿Un defecto?
-¿Un só? Que se poida dicir... Pois son despistado. Ao estar tan concentrado no meu deixo un pouco de lado á xente que me importa. A paixón absorbe.
-¿Cal é o punto máis occidental de Galicia?
-Fisterra.
-¿Que templo podería ter o tellado de ouro se quixera?
-O santuario de Muxía.
-¿Que libro está lendo agora?
-Consulto varios de arte. Ollo moitos libros de imaxes.
-¿Que dous lugares do Concello de Zas teñen nome de hortaliza?
-A Cebola... ¿Pode ser?
-¿Un soño por cumprir?
-Gustaríame poder traballar da escultura artística, non tanto da canteiría de casas.
-¿Onde morreu Fernando Blanco?
-En Arxentina, ao mellor.
-¿Cantos anos ten Avelina Mouzo, a avoa da Costa da Morte?
-Pode ter 108.
-¿Praia téxtil ou nudista?
-Téxtil. Non vou moito á praia.
-¿Quen foi Evaristo Martelo?
-(...)
-¿Churrascada ou sardiñada?
-Churrascada. Sendo de Vimianzo...
-¿Que traxedia acabou con Man, o alemán de Camelle?
-Aparte da súa saúde, o Prestige.
-¿Mar ou río?
-Mar. Sempre é máis bonito.
-¿Cómo se chama o bar de Carballo situado no edificio onde naceu Alfredo Brañas?
-Bergantiños, por dicir algo.
-¿Onde prefire rematar o Camiño? ¿En Fisterra ou en Muxía?
-En Muxía. Tira máis cara á casa, está ao lado para volver.