O físico de Baio dará o sábado en Corme o pregón da Festa do Percebe, un marisco polo que sente predilección
10 jul 2014 . Actualizado a las 07:00 h.Entre investigacións, libros, conversas con premios Nobel e outras moitas cousas, o físico Jorge Mira (Baio, 1968) tamén disfruta do verán. Ben sexa na praia ou nas festas da comarca. Xa estivo o pasado sábado polo Asalto ao Castelo de Vimianzo e pasado mañá dará o pregón da Festa do Percebe de Corme.
-¿Verbena ou foliada?
-Verbena.
-¿En que concello naufragou o barco Serpent?
-En Camariñas.
-¿Mar ou río?
-Mar cerca da desembocadura dun río.
-¿Quen foi Bernal Eans de Moscoso?
-Un dos nobres que ocupaban a zona territorial da comarca de Soneira.
-¿Facer sendeirismo ou deitarse ao sol?
-Claramente, deitarme ao sol. A posición horizontal é a propia do verán, o punto óptimo.
-¿Quen escribiu Queixumes dos pinos?
-Eduardo Pondal.
-Completa a frase: «As nenas de Camariñas...»
-Algo así de que ?van lavando...?. Tíñaa almacenada no disco duro.
-¿Praia téxtil ou nudista?
-Nudista. A min a roupa enriba do corpo estórbame.
-¿Cal é o punto máis occidental da comarca?
-Cabo Touriñán.
-¿Churrascada ou sardiñada?
-Nesta época, unha sardiñada.
-¿Quen pronunciou a frase «As pedras son pedras»?
-Alejandro Rodríguez, o exalcalde de Vimianzo, por aquel follón que houbera cos Penedos.
-¿Canto tempo hai que non pon unha tixola ao lume?
-Buf... Un ano, pode ser. Unha escala de tempo en meses.
-En que país estivo emigrado Fernando Blanco?
-A Cuba.
-¿Lagostino ou cigala?
-Non son moito deses bichos. Se podo inventar, entre lagostino e cigala, quédome co percebe.
-¿Inverno ou verán?
-Clarísimamente o verán, con todas as súas consecuencias.
-¿Quen inventou o futbolín?
-Foi Alexandre de Fisterra.
-¿Onde naceu Alfredo Brañas?
-En Ponteceso... Ai non, ¡estaba pensando en Pondal! ¡En Carballo! Non o podo esquecer, que son exalumno do instituto Alfredo Brañas.
-¿Que libro está lendo?
-Un libro de Rafael Santandreu, Las gafas de la felicidad.
-¿Onde prefire rematar o Camiño? ¿En Fisterra ou en Muxía?
-Eu daría unha volta por Baio, pasaría por cabo Vilán, despois por Muxía, Touriñán, e remataría en Fisterra. Bueno, e tamén pasaría por Dombate.