Museo de Man, unha esperanza


Man sempre me interesou pola súa autenticidade. Hai poucos artistas que a súa persoa sexa tamén parte da mesma obra. Lémbrame a Marina Abramovic, esa avoa da performance que tanta forza ten a súa presenza física. Man e tamén un referente na Costa da Morte. Muxía ten unhas pedras sagradas no santuario da Barca arredor da Pedra de Abalar. Camelle e toda a zona de Camariñas ten o museo de Man, que atrae a máis xente que o Centro Galego de Arte Contemporánea.

Eu que visito con asiduidade estes dous museos podo comprobar que no verán son máis as persoas que se desprazan a ver os restos do Museo de Man. Eu quixera crer que este novo impulso que o Concello de Camariñas trata de impulsar anovando a fundación Man sexa o definitivo. Quero afirmar que o museo Man ten un valor cultural e turístico e polo tanto económico que aínda esta por emerxer. Nestes tempos de crise dura iniciativas como esta, cun bo proxecto de visibilidade, pode aportar riqueza a unha zona que esta na periferia pero que ofrece unhas posibilidades que poucos espazos en Galicia poseen. E non hai que construír nada. Restaurar e dar a coñecer o legado do anacoreta. E non falo do museo, senón das obras de arte que se gardan na fundación. Fotografía, películas, libros de artista, esculturas, debuxos e moitos obxectos artísticos que converten a Man de Camelle nun artista importante e prestixioso. Man é de todos. Os políticos de todo signo deben apoiar a fundación e o museo como o apoian moitos intelectuais galegos xa sexan artistas, arquitectos, historiadores da arte, escritores e o pobo galego en xeral. O Museo do Prado é de todos, goberne quen goberne, así como o de Man é de todos polo que debemos deixar este tesouro nas mellores condicións posibles a futuras xeracións. Non sei se esta é a derradeira oportunidade, pero merece a pena confiar outra vez. E dío un artista das Rías Baixas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Museo de Man, unha esperanza