Manuel Seoane dirixe un local emblemático en Carballo, a raxería Río Sil, un establecemento polo que quedan poucos carballeses que aínda non pasaran. Desde a semana pasada o local ten un aliciente máis para animar os clientes a visitalo, as xornadas do boi que, di o propietario, por agora están a funcionar moi ben.
-¿Cales son as preparacións que ofrecen na carta?
-O que poñemos é o chuletón, e o único que lle facemos é poñelo á brasa.
-¿Que ten de especial a carne de boi?
-É moi especial. O que nós poñemos é un animal que vén de Monforte, dunha gandería chamada Finca Balboa. Trátase dun animal que ten uns dez anos. A carne ten que estar entre 70 e 90 días na cámara antes de poder usala.
-¿Que tal están a responder os clientes á nova oferta?
-Imos tendo clientes. Non imos ter boi para todos, pero si temos vaca, que tamén está moi ben.
-¿En que se diferenza o sabor do boi e da vaca?
-O boi é máis tenro, pero tamén ten un sabor máis forte. Unha vaca que teña dez anos ao mellor pode chegar á altura.
-¿Teñen moita cantidade para as xornadas do boi?
-Temos cerca de 300 kilos de chuletón. Collemos o mellor do boi, que era un animal que pesaba vivo más de 1.100 kilos.
-¿Sae moi caro darse o capricho de probalo?
-É bastante caro. Nós temolo a un prezo apañado, 58 euros o kilo. Pero é para que nos cubra gastos.
-Igual que o mellor marisco.
-Algo máis que o marisco. Pódese dicir que a carne de boi é como un marisco dos bos. É para probala, non para comela todos os días.
-¿E cando se acabe?
-Xa faremos máis cousas. Nós temos o raxo como especialidade. Cociñao a milla muller, María Esther Moreira co seu segredo desde 1981.