Estradas


Algo similar ao que sucede coas costas, nas estradas tamén hai unha raia, unha liña pintada nun plano feito nun despacho, moitas veces sen visitar os lugares afectados, e que obrigan a colocar nos plans urbanísticos, causando unha alarma social aos propietarios das casas que lindan coas vías, cando ven unha liña encarnada que atravesa a súa vivenda. Ficción, pura ficción. No 95 % dos casos, nunca vai servir para nada esa raia encarnada, pero causa moitos estragos na paisaxe, creando dentes de serra e medianeiras innecesarias, e moitas preocupacións nos cidadáns que fixeron a súa casa legalmente e que non poden durmir por unha raia no plano.

Absurdo e sen planificación, porque esa raia é distinta segundo sexa o xestor da estrada: o Estado, a Xunta, a Deputación ou o Concello, e menos mal que a parroquia non ten mando nesta estrutura. Menos mal que o Plan Básico Autonómico e as Directrices da Paisaxe anularon aquela esperpéntica norma da Lei do Solo que obrigaba a facer camiños de oito metros nas aldeas -catro metros dende o eixo, a ámbolos dous lados-, levando consigo muros antigos de pedra, casas tradicionais, a esencia de Galicia.

O século XXI é o da reflexión e cambio de paradigma respecto da mobilidade en moitos lugares, pero a nós non nos entra na cabeza. Igual que sucede cos plans que desordenan centros compactados, as estradas consolidadas non deben destruír a paisaxe obrigando a botarse atrás, como norma xeral, 25 metros nin catro no rural, nin arrasar as árbores que antes tiñan as estradas. Tampouco deixan restaurar casas tradicionais máis próximas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Comentarios

Estradas