Manuel Blanco Ons: «A Xustiza non mellora porque é gran a Cincenta»

Os efectos da folga dos funcionarios iniciada a primeiros deste ano seguen a percibirse ata en partidos xudiciais coma o noiés


Noia / la voz

Manuel Blanco Ons non é desas persoas que cinguen o seu discurso ao que é politicamente correcto. Di o que pensa, e a miúdo as súas opinións no que respecta ao funcionamento da Xustiza son moi críticas cos responsables da toma de decisións. Ante a celebración da patroa dos avogados, o delegado do colexio en Noia tampouco deixa de lado a autocrítica.

-Esta semana houbo un paro dos secretarios xudiciais e hai tamén unha convocatoria dos maxistrados, está revolta a situación na Xustiza.

-Únense dous factores para que sexa así, hai reclamacións de tipo retributivo e hai o enfado por parte dos xuíces con todo este tema da manipulación groseira por parte dos partidos políticos do que ten que ser a independencia xudicial.

-¿Afectan estas novas convocatorias ao funcionamento dos xulgados?

-De momento non, porque son paros moi puntuais, foi moito máis destrutiva a folga de hai uns meses, fixo moito dano. Estas novas mobilizacións son unha incomodidade relativa porque son puntuais.

-¿Recuperouse o sistema xudicial da folga de principios deste ano?

-Tardaremos moito tempo en recuperar a normalidade porque se acumula un retraso considerable, temos por diante non menos de un ano para poñernos máis ou menos ao día en relación á situación que había antes do paro, que xa non era excesivamente áxil.

-Hai moito que mellorar entón.

-A Xustiza non mellora porque é a gran Cincenta da Administración, non se fan as inversións necesarias para avanzar, soamente se fan actuacións cosméticas, como a dixitalización, que en teoría ía axilizar os procesos e foi un atraso. Máis xuíces e máis capacitados é o que se precisa.

-¿Hai recursos suficientes en Noia?

-Noia é un partido cunha baixa litixiosidade e unha actividade económica limitada, é a tranquilidade do morto. Noia non ten problemas porque non ten actividade e trabállase con certa axilidade.

-¿Que me di do colectivo de avogados?

-O que podo dicir é que a torta ten un límite e cada vez hai máis comensais. España ten un grave problema de exceso de profesionais e a doutrina do low cost está implantada en todas partes, a xente non nos valora como profesionais cualificados, non entende o traballo que facemos. Hai unha desconfianza histórica cara os avogados e cando hai quen tende a facer as cousas de forma pouco profesional acrecéntase. Tamén é certo que nunca fixemos un esforzo claro e directo para dignificar a profesión.

Manuel Blanco Ons

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Manuel Blanco Ons: «A Xustiza non mellora porque é gran a Cincenta»