Fundación


Hai algúns anos, as monxas da Gardería Monte Carmelo da Pobra do Caramiñal decidiron xuntar aos rapaces e rapazas da primeira promoción de parvuliños polos primeiros 25 anos do centro. A comida, naquelas mesas liliputienses da nosa época, espertoume todo tipo de recordos perdidos no fondo da infancia. Entre eles, os da condesa de Fenosa observando a función de Nadal con dous enormes gardacostas na porta. O estrado estaba un pouco alto e os gardacostas eran os encargados de baixarnos para que dona Carmela Arias nos dera os agasallos. A Fundación Barrié financiaba e financia un espazo educativo familiar e exemplar. Lembro tamén que sor Remedios me deixou consultar o libro de alumnos. Fiquei sorprendido cando vin que os pais de case todos os meus compis de aquela eran mariñeiros, xente humilde e traballadora.

Lembrei isto porque o outro día, en Aragón, un colectivo profesional protestaba contra a doazón de 10 millóns da Fundación Amancio Ortega para dispositivos contra o cancro. As razóns que daban podían ser defendibles (a mellora do orzamento dos servizos públicos) pero a posición é moi egoísta se pensamos nos enfermos que precisan esa tecnoloxía contra o cancro de xeito inmediato.

Tamén me tería gustado que Galicia tivera, a principios dos anos 80, un sistema público de educación como Finlandia, pero non o tiña, e a nosa infancia era moi curta para esperar a revolución pendente. A Fundación Barrié (e dona Carmela) taparon un gran furado. Penso niso nestes momentos delicados para unha das principais entidades de acción cultural e social de Galicia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Fundación