«A Sin Son non só é boa para nós, senón para a bisbarra»

O rexedor sonense destacou os beneficios dunha carreira que congrega a máis de 2.000 atletas cada ano


Cada ano en Porto do Son cítanse milleiros de amantes do deporte para acudir a unha das carreiras más concorridas de todo Galicia. Trátase da Sin Son 10K, que este ano cumpre a súa quinta edición. O alcalde sonense, Luis Oujo, e recoñecido deportista e analiza as claves do éxito desta proba anual.

-¿Cales son os factores que fan da Sin Son unha cita ineludible?

-O importante desta proba é que se trata dunha carreira en liña entre Porto do Son e Portosín. Primeiro facemos un pequeno circuíto urbano en Portosín e logo percorremos o recorrido entre os dous cascos urbanos pola costa. Esta proba e a de Vigo-Baiona son as únicas que transcorren pola beira do mar, algo que explica o interese da xente. A este factor hai que engadir a boa organización, eses pequenos detalles que marcan a diferenza.

-¿Cantos inscritos teñen confirmados nestes intres?

-Andamos sobre o 1.500 inscritos. Creo que chegaremos á cifra de 2.000 ou 2.500 de aquí ao 18 de decembro.

-¿Cómo se prepara un dispositivo de seguridade desta magnitude?

-Superamos cada ano o número de participantes, pero algo que queremos é que non se descontrole. Temos que cerrar a AC-550, polo que xa nos reunimos con Tráfico. Estamos moi agradecidos a Protección Civil, xa que acoden entre 60 e 70 membros de toda a comarca. Tamén hai que destacar o papel da Policía Local e de voluntarios como os do IES Porto do Son que nos axudan co avituallamento.

-¿Cales son os principais beneficios a destacar desta carreira?

-Porto do Son é coñecido por moitas cousas, pero unha dela é a Sin Son. A ela acoden persoas de todo Galicia, pero tamén de Portugal. En momentos difíciles para a hostalería como é o inverno supón un ingreso, hai restaurantes que teñen todo reservado para ese día dende hai un mes. Isto chega a outras vilas como Ribeira ou Noia. A Sin Son non só é boa para nós, senón para a comarca. Ademais, axuda a coñecer a localidade coa súa beleza e que despois regresen.

-¿Qué papel xoga a paisaxe?

-Se temos un día soleado, o feito de correr ao carón do mar, da nosa costa, iso é impagable. Os que acoden do interior sempre quedan abraiados.

-¿Esconde algo máis a Sin Son?

-O que significa a carreira: a felicidade, a xente que vamos a coñecer, os que portan unha mensaxe e promoven o deporte. Nestes días pódense ver a grupos de rapaces adestrando recreando o circuíto e tomando tempos, en vez de estar co móbil ou coa tableta. Iso é moi bonito.

-¿En que consistirá a Feira do Corredor?

-O día antes, tanto no casco urbano da vila como na Casa da Cultura, haberá tendas e charlas de carácter deportivo. Contaremos coa presenza do deportista Martín Fiz -atleta que rematou catro dos seis grandes maratóns mundiais- ao que lle poderán preguntar por temas como adestramentos ou nutrición. Ademais, xa se poderán recoller os dorsais para evitar facer cola. Trátase de que a xente pase toda a fin de semana na vila.

-¿Haberá seguimento por streaming nesta edición outra vez?

-A Concellería de Deportes está traballando niso e se a economía o permite o máis seguro é que si.

-¿Correrá vostede a carreira?

-Por suposto. A ver se son quén de facela en 50 minutos. Mais o importante non é correla rápido nin gañar, é estar coa xente.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«A Sin Son non só é boa para nós, senón para a bisbarra»