Encabeza a lista do PSOE en Outes para intentar que as cousas cambien
14 may 2015 . Actualizado a las 05:05 h.O frenesí da campaña electoral pillouno un pouco por sorpresa, ata o punto de que recoñece que nunca usou tanto o teléfono como agora. É o prezo que paga Julio Fernández (Santiago, 1957) por dar un paso adiante para intentar que algo cambie en Outes tralo día 24.
-¿Que foi o que o levou a involucrarse no proxecto do PSOE?
-Foi un pouco a insistencia da xente, que me contaba que estaba farta de non atopar solución aos seus problemas e pensei que igual podía axudar desde o Concello.
-¿Cal é o principal problema de Outes?
-A inmobilidade que está sufrindo, lévase moito tempo así. É unha mágoa que a xente teña que emigrar do seu pobo porque non se lles dá unha saída. Necesítase unha forza nova para arrancar de novo.
-¿Que propoñen vostedes?
-Temos sitios preciosos que están aquí e que ninguén coñece, hai que promocionalos. Tamén elaboramos un programa de emprego. Nos programas hai moitas palabras bonitas, pero o importante é levalos a cabo. A miña ambición, se mo permiten os veciños, é executar o 100% das nosas propostas.
-¿Cre que a xente pide un cambio?
-Eu traballei en moitos concellos e en todos acaban xurdindo os alcaldes «si, si», que din a todo que si e logo non fan nada. O método foi dando os seus froitos, pero espero que iso cambie.
Un libro: O mundo perdido
Unha película: Titanic
Un espazo: O Tremouzo
Un político: Adolfo Suárez
Unha cidade: Oviedo e Santander
Unha comida: Empanada de miña sogra
Un deporte: Natación
Un personaxe histórico: Lutero
Unha canción: Un velero llamado libertad, de Serrat
Un desexo: A erradicación total da corrupción na política