A publicación componse de dez colaboracións


O libro presentado en Ribeira, do que se editaron dous mil exemplares, está composto por dez artigos asinados por outros tantos colaboradores. O volume arranca cunha achega de Carlota García Paz, quen escribe sobre as características xeolóxicas da península barbancesa.

O director da Cámara Oficial Mineira de Galicia, José Manuel Álvarez-Campana, fala nesta obra da contribución da explotación de San Finx á historia mineira de Barbanza. Sobre esta prospección fai tamén un artigo o técnico de Cultura de Ribeira Unai González Suárez.

Outra das colaboradoras é a catedrática de xeografía e historia Blanca Caamaño, que achegou un traballo sobre as minas de estaño de Lampón. Pola súa banda, o servizo de Protección Civil de Boiro elaborou un artigo sobre os pozos, as galerías e as sondaxes realizadas nos montes do municipio.

As explotación existentes en Moimenta e Bealo son analizadas neste volume polo persoal do Faiado, mentres que Alberto Figueira escribe sobre os traballadores de Bealo en San Finx, e Xurxo Ayán fala de etnoarqueoloxía e paleometalurxia dos castros de Neixón.

Na obra tamén se analiza a importancia que tivo a minería no territorio ribeirense. Así, a arqueóloga e antropóloga Ana Filgueiras asina o artigo Vivencias do volframio na enseada de Corrubedo . Tamén se inclúe un traballo de campo realizado polo Faiado no ano 2006.

Completa este volume unha colaboración do escritor Xoán Pastor Rodríguez Santamaría, que trata sobre a minería na posguerra en Porto do son.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

A publicación componse de dez colaboracións