As clases comezarán o 1 de outubro
05 sep 2025 . Actualizado a las 12:32 h.A escola municipal de idiomas de Valga retoma a súa actividade a comezos de outubro con cursos de inglés no auditorio, impartidos por docentes do centro de idiomas Waterford. As clases están abertas a persoas de todas as idades interesadas en mellorar o seu nivel da lingua, tanto por motivos académicos como laborais ou persoais.
O prazo de matrícula permanece aberto para nenos, mozos e adultos, contactando co centro por correo electrónico en cdiwaterford@hotmail.com ou nos teléfonos 986 851 225 e 698 133 512. As tarifas son de 50 € ao mes para empadroados en Valga e 55 € para non empadroados. As clases de dúas horas semanais impartiranse martes e xoves en horario de tarde.
O curso comeza o 1 de outubro e prolongarase ata finais de xuño, con pequenos períodos vacacionais tanto no Nadal coma en Semana Santa.
Waterford é centro preparador oficial da titulación que expide Cambridge, e os cursos preparan aos alumnos para superar os exames KET (A2), PET (B1) e FIRST (B2), recoñecidos a nivel universitario e profesional.