Rematan as accións formativas impulsadas en Meis e Ribadumia por Acción contra el Hambre
RIBADUMIA
O programa tiña como obxectivo facilitar o acceso ao mercado laboral a persoas en situación de desemprego
17 dic 2025 . Actualizado a las 05:00 h.O Concello de Ribadumia participou o pasado venres na entrega de diplomas do itinerario de Comercio e Almacén das Escolas Inclusivas de Emprego Meis?Ribadumia 2025, un proxecto impulsado pola entidade Acción contra el Hambre no marco do programa Vives Aprende Inclusión.
O itinerario formativo desenvolveuse en Ribadumia entre os meses de setembro e decembro e tivo como obxectivo facilitar o acceso ao mercado laboral a persoas desempregadas, especialmente aquelas en situación de vulnerabilidade, a través dunha formación 100 % gratuíta e adaptada ás necesidades reais do tecido empresarial local. O proxecto foi posible grazas ao cofinanciamento do Fondo Social Europeo Plus e da Xunta, así como á colaboración do Concello.
Durante a formación, o alumnado adquiriu competencias clave en áreas como a loxística, o comercio e a seguridade e hixiene alimentaria, ademais de habilidades transversais vinculadas á busca activa de emprego, a motivación persoal e o acompañamento individual e grupal. O programa incorporou tamén un enfoque saudable, promovendo o benestar físico e emocional como elemento esencial para a inserción laboral.