Luz verde ao traspaso de tres treitos de estradas da Deputación ao Concello de Ribadumia

O Diario Oficial de Galicia publicou onte o decreto do 11 de novembro polo que a Consellería de Vivenda e Planificación de Infraestruturas aproba o cambio de titularidade de tres treitos de estradas da Deputación Provincial de Pontevedra e o seu paso a mans do Concello de Ribadumia.

Trátase, concretamente, do treito inicial da EP-9506 Barrantes-Vilariño, de 305 metros de lonxitude, desde o punto quilométrico 0,115 ao 0,420, do treito final da EP-9505, o ramal A Igrexa (Barrantes), de 317 metros, entre os puntos quilométricos 0,562 e 0,879; e do treito antigo da EP-9305 Coirón-Ribadumia-Leiro, situado na marxe esquerda do punto quilométrico 9,100 e de 358 metros de lonxitude. A entrega ao Concello efectuarase ao longo dos tres vindeiros meses e a partir de aí será a Administración local a que deba asumir a conservación dos viais.

---

---

---