Deberá celebrarse na tarde deste mércores, en lugar do xoves, como estaba previsto
29 oct 2025 . Actualizado a las 05:00 h.O mal tempo obriga á concellería de Festas de Cambados a adiantar o programa lúdico do Samaín do xoves 30 de outubro a esta tarde. A Santa Compaña musical percorrerá a vila a partir das sete e media partindo dende a praza Dolores del Valle e visitando no seu traxecto as rúas de Ourense, Infantas, do Castriño e San Francisco, ademais da praza Alfredo Bañas.
A sinfonía correrá a cargo da banda musical xuvenil e a banda de música de Castrelo nun acto que promete animar e poñer os pelos de punta.