O ciclista vilagarcián do Burgos-Burpellet BH integra un septeto de escaladores puros
02 jun 2026 . Actualizado a las 08:09 h.O ciclista vilagarcián do Burgos-Burpellet BH, Martín Rey, competirá mañá na Mercan’Tour Classic Alpes-Maritimes, clásica de alta montaña incluída no calendario das FDJ United Series (Copa de Francia). O equipo español acudirá cun septeto integramente formado por escaladores, con José Manuel Díez, con Sergio Chumil e con José Luis Faura á fronte do bloque. Sinuhé Fernández, Hugo de la Calle e os profesionais de primeiro ano Adrián Fajardo e o propio Martín Rey completan a expedición.
Con saída na localidade de Puget-Théniers, no sureste de Francia, a clásica conta con 152 quilómetros de percorrido e 4.300 metros de desnivel acumulado. O primeiro obstáculo será o porto de La Colmiane, 16 quilómetros ao 5 % de desnivel, co Col de la Couillole, outros tantos quilómetros ao 7 %, precedendo as dúas ascensións á estación de esquí de Valberg, cada unha por unha vertente diferente, a última, de 14 quilómetros ao 6 %.