Sigaltec, o equipo modesto do baloncesto galego que pon 500 euros en xogo no descanso dos seus partidos
AROUSA
Da man da oficina local dunha aseguradora, o equipo busca dar outro empurrón ao grande ambiente nas gradas tras o ascenso
11 feb 2026 . Actualizado a las 17:41 h.Ir ver un partido de Liga do Sigaltec CLB ao Pavillón Municipal Sara Gómez de Vilagarcía e volver á casa con 500 euros máis no peto. Esta é a nova proposta impulsada pola directiva do CLB de cara a facer medrar a asistencia aos encontros do seu equipo masculino de cabeceira, en liña ascendente desde que esta tempada se estreara en categoría nacional tras conquistar o billete á Tercera FEB. La canasta de los 500 euros permitirá a dous asistentes ao vindeiro encontro do conxunto vilagarcián, este sábado desde as 19 horas fronte ao Culleredo, saltar da grada ao centro da cancha para, desde alí, lanzar a canastra e facerse co diñeiro en xogo se algún é quen de encestar o balón desde ese punto, ao primeiro intento.
Optar á canastra dos 500 euros pasa por ser o correspondente agraciado no sorteo das rifas que o club vende entre o público en cada encontro como unha vía máis de financiamento da súa modesta economía, papeletas que seguirán repartindo máis agasallos. De non haber anotador no descanso desta semana, os 500 euros volverán poñerse en xogo no seguinte encontro como local do Sigaltec.
A iniciativa foi posible grazas á implicación de Roberto Pedreira, ex xogador de baloncesto e na actualidade delegado da oficina da aseguradora Mapfre na praza de Ravella de Vilagarcía de Arousa. O presidente do CLB, Isidoro Canabal, quixo agradecerlles, a Pedreira e á súa oficina, o seu apoio ao equipo da vila: «Es muy importante implicaciones como las de Roberto para seguir sumando. No podemos estar más agradecidos, y confiamos en que sean muchos los que se animen a participar en el concurso y a disfrutar del equipo y del baloncesto».
Tras a posta en marcha do concurso da canastra do 500 euros aparece a pretensión da directiva do CLB de seguir enriquecendo a experiencia de asistir aos partidos do Sigaltec, logo de incorporar un disc-jóckey e un animador, e deste xeito, continuar a liña ascendente que se está a producir no número de público contabilizado nos partidos de Liga da Tercera FEB, tras devolver o Sigaltec a Vilagarcía á nómina de localidades con equipo de baloncesto masculino en categoría nacional 16 anos despois.