A tiradora cambadesa remontou na final un adverso primeiro tempo
20 nov 2019 . Actualizado a las 11:51 h.A tiradora cambadesa da Asociación Vilagarcía Esgrima, Araceli Bugallo, regresou o domingo de Navia co título de campioa do cadro absoluto feminino da terceira Copa de Espada de Esgrima de Asturias.
No Pavillón Nave del Puerto, a arousá rematou a fase de poules segunda, por detrás da tiradora do Xixón Sara Gallo. Xa na fase de eliminatorias directas, Araceli Bugallo derrotou 9-15 a Ana Quintana, tamén do Xixón, no cruce de cuartos de final, accedendo ao duelo polo título ao dobregar 7-15 a Carnero, do Oviedo. Na final, a tiradora do AVE remontou os dous puntos de desvantaxe cos que rematou o seu primeiro tempo con Gallo, para rematar gañando 12-15.