Será o rival do F.C. Barcelona, do Real Betis, do Vegalta Sendai de Xapón e mais do Club Juventud Cambados no Grupo A
24 may 2019 . Actualizado a las 05:00 h.O Torneo Internacional Alevín Arousa Fútbol 7 vén de sufrir un cambio no cartel da súa fase final, que se disputará a vindeira semana, do 31 de maio ao 2 de xuño no Campo Municipal da Senra en Ribadumia. A organización comunicou a baixa do Sporting Portugal «debido a problemas derivados de la competición local» no país veciño, e a súa substitución por outro conxunto luso, o Sporting Braga. Este último será o rival do F.C. Barcelona, do Real Betis, do Vegalta Sendai de Xapón e mais do Club Juventud Cambados no Grupo A.
O conxunto arousán, clasificado por vez primeira na súa historia para o cadro final a través da fase previa do Arousa Fútbol 7, abrirá o calendario de partidos do torneo o venres 31 de maio. Faráo medíndose desde as dez da mañá o Real Betis, o favorito xunto co F.C. Barcelona para acceder aos oitavos de final da competición desde o Grupo A. O cadro culé xogará a esa mesma hora fronte ao Vegalta Sendai o seu primeiro encontro na Senra.
O Guangzhou chegará mañá
Como é habitual no AF7, os equipos que veñen de máis lonxe adiantarán a súa chegada ao Salnés, que o groso dos competidores deixan por norma para a véspera do torneo. O máis madrugador nesta vixésimo cuarta edición será o debutante Guangzhou, equipo alevín do xigante do balompé chinés. Os responsables do campionato anunciaron o seu desembarco en terras arousás mañá sábado, seis días antes do seu debú ante o Xuventude Oroso. Os seguintes en instalarse no Salnés serán o Makkabi Frankfurt e o Vegalta Sendai, o vindeiro mércores.