Xoán González Millán foi un grovense en Nova York. Este estudioso das letras galegas vai ser nomeado mañá fillo predilecto do seu municipio
06 may 2003 . Actualizado a las 07:00 h.o. Pronto xurdíu no Grove a petición de que a figura deste mestre en Nova York fose recoñecida, novamente, polo Concello. Neste caso, co seu nomeamento como fillo predilecto da localidade. A proposta foi remitida hai semanas ó Concello. Chegaba respaldada por numerosas mostras de cariño e respeto de diferentes persoeiros do mundo da cultura. Xente toda ela que coñeceu e traballou con Xoán González Millán, para quen teñen fermosas palabras de agradecemento. Algunhas, as do xa falecido Carlos Casares, que califica ó grovense como «remanso de paz en conversa amable, gran falador e excelente escoitador». Ou as dun dos seus colegas en Nova York, Craig Patterson, que o definía como «un faro do galeguismo para nós alá en América. Nunca deixabas de inspirarnos e de animarnos cos teus numerosos proxectos». Estas palabras son a mellor homenaxe para un home como González Millán. Un home que mañá pola noite convertirase nun novo fillo predilecto do Concello do Grove.