A Catedral de Mondoñedo acolleu un recital de poesía e órgano sobre o Camiño de Santiago
A MARIÑA
A asociación De Catedral a Catedral organizou o acto no que interviron o organista Lino Rico e os escritores Paco Rivas e Eva Teixeiro
24 dic 2025 . Actualizado a las 18:19 h.A Catedral de Mondoñedo foi escenario da primeira Xornada de Promoción HIstórica Mondoñedo no Camiño, organizada pola Asociación do Camiño Norte De Catedral a Catedral. Incluíu un recital de poesía e órgano para conmemorar a celebración do décimo aniversario da declaración do Camiño Norte de Santiago e da seo mindoniense como Patrimonio da Humanidade. O organista oficial da Catedral, o músico e compositor Lino Rico, e os escritores Paco Rivas e Eva Teixeiro, foron os encargados de ofrecer o recital, que tratou de poñer en valor a relevancia histórica, espiritual e cultural da cidade mindoniense, así como o seu papel fundamental dentro do itinerario xacobeo. «Sen Mondoñedo e a súa Catedral, o Camiño Norte non sería o que é», destacou Marta Geada, directiva do colectivo.