«A medio prazo propoñemos construír un edificio multiusos»

Fran Cajoto, candidato do PSOE en Foz, critica que os veciños teñan que pedir cita para falar co alcalde e avanza que, se goberna, auditará as
contas municipais


FOZ / LA VOZ

Fran Cajoto, candidato do PSOE á alcaldía de Foz, avanza algúns dos seus obxectivos. «Comprometémonos a facer planificación e boa xestión, a facer uns orzamentos adecuados ás necesidades do concello e a cumprilos. Se gobernamos, unha das primeiras medidas que temos previsto adoptar é unha auditoría das contas municipais. Vemos facturas con partidas alzadas que non están xustificadas debidamente».

_Din que unha das primeiras cousas que farán si chegan ao Goberno é unha limpeza xeral e de aseo do municipio...

_Vemos os problemas que hai a diario e tamén está na boca de todos. A limpeza urbana non é a adecuada aínda que nestes últimos días incrementouse e metéronse subcontratas por parte do Concello para intentar dárlle un lavado de cara. Hai que facer desbroces e limpezas de forma continuada, no casco e nas parroquias. E pensamos devolverlle o sentido orixinal á circulación na Avenida da Mariña e na avenida Álvaro Cunqueiro.

?Ademais da creación dun novo acceso desde a variante, que outros proxectos propón para executar a medio prazo?

?A medio prazo propoñemos construír un edificio multiusos para que acolla o auditorio, a Escola de Música e que sirva para volver a ter cines en Foz, mediante colaboración pública-privada. Queremos que sexa un edificio modulable, adaptado a diferentes eventos. Ten que ser a Administración autonómica a que o financie na súa totalidade. O Concello non ten recursos para acometer esa obra. Unha ubicación que para nós sería unha das mellores é na fachada da marítima de Foz, a continuación da piscina, onde tamén existe unha ampla zona de estacionamiento.

_Van incluír no seu programa algunha petición de última hora dos veciños?

_De forma xeral case todas as medidas son as que nos propuxeron e propoñen os veciños. Queren un alcalde accesible e quéixanse moito da cita previa que ten posta o actual alcalde. De todos xeitos, nas reunións con eles, sempre saen ideas novas. En Cordido inciden no problema de abastecemento da auga municipal. Din que moitos meses do ano sae a auga turbia. Ese problema haino que solucionar.

_Que fará o día 27 se sae elixido alcalde?

_Tocaría volver dárlle as gracias aos que nos apoiaron e axudaron nesta andaina. Tocaríame pórme a disposición de todos os veciños para o que necesiten. Un dos temas que me preocupan é que haxa problemas coa contratación e que Foz non teña os socorristas que precisa. E habería que planificar e ordenar o tráfico.

_E se tivera que pactar para gobernar?

_Os pactos sempre son un tema a posteriori, en función dos resultados. Nós plantexámonos ter o maior apoio posible, unha maioría para levar a cabo o noso programa. Si os resultados non nos alcanzan, estaremos abertos a falar con outras formacións para cambiar as políticas retrógradas que hai en Foz.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«A medio prazo propoñemos construír un edificio multiusos»