«Entendo ós inversores, entre os que me atopo; e unha situación de impotencia»

Inmaculada Eiroá González
inma eiroá XOVE / LA VOZ

A MARIÑA

PEPA LOSADA

O rexedor ofrece a Omic para dar asesoramento ós aforradores sobre cómo poden facer para reclamar

15 jun 2017 . Actualizado a las 14:22 h.

O alcalde de Xove, Demetrio Salgueiro, é tamén afectado pola perda de valor das accións do Banco Popular.

-Polo que nos contaron, parece que Xove é un concello con bastante xente afectada ¿Sabe algo?

-Eu creo que en todos os concellos da Mariña pasa exactamente igual. Sei de casos de xente que coñezo, pero tanto de Xove como de outros concellos.

-O dicían polo feito de que aquí só había oficina do Pastor e de Caixa Galicia.

-Eu creo que aquí non vai haber máis, porque noutros concellos tamén tiñan so o Pastor. Antes, na zona e en Galicia o Pastor e Caixa Galicia son anteriores a outras entidades. Eu creo que a situación non é exclusiva de aquí, hai moitos clientes, pequenos aforradores, afectados en xeral, sobre todo nesta zona do Norte onde o Pastor estaba máis asentado.