29 ene 2011 . Actualizado a las 06:00 h.
O partido está a piques de rematar, cero a cero no marcador. Hai nervios en Balaídos. Caras que reflicten preocupación, habituadas ao gol en contra nos últimos minutos. Mais non nos deixemos vencer. Os cánticos no fondo norte, incesantes desde o inicio do partido, contaxian o seu ánimo. Aparecen á fin as bufandas celestes e os brazos erguidos pedindo un último esforzo. Porque todo fai indicar que este ano voltaremos a Primeira, a xogar cos grandes equipos, que é onde o Celta debe estar. Velaí Pura Crespo, cos seus 75 anos e case que 40 asistindo aos partidos do Celta e do filial, perfectamente ataviada de celtista e desbordando optimismo. Ilusión, forza, ánimo. Desta voltamos a Primeira.