Julio Abalde, reitor da UDC: «O luns teremos todo preparado para impartir de maneira non presencial todas as materias»

Cree que el esfuerzo es una buena ocasión para implantar nuevas herramientas y tecnologías en la docencia universitaria

Abalde é reitor da universidade coruñesa desde o 2015
Abalde é reitor da universidade coruñesa desde o 2015

Unha crise, pero tamén unha oportunidade. Con esa filosofía asume o reitor da Universidade da Coruña o reto de adoptar dende o vindeiro luns un modelo de docencia virtual completo.

—¿Cómo se está a preparar todo na UDC?

—Estamos aproveitando toda a potencialidade que temos no noso Campus Virtual, e o estamos completando con ferramentas de sistemas de videoconferencia, de creación de grupos en foros e en sistemas de conectividade tipo redes sociais entre os profesores e os grupos de estudantes das distintas materias. Cremos que o luns vamos a ter toda a tecnoloxía preparada para que se poidan impartir de forma non presencial todas as materias. Estamos preparados tanto para a docencia virtual como para a posibilidade de que unha parte importante dos nosos traballadores elixan o formato de traballo a distancia, non presencial.

—¿Manteránse os horarios de clase?

—Iso dependerá do que decida cada profesor. Por exemplo, poderán darse clases por videoconferencia a varios grupos á vez. Outros profesores elixirán non utilizar o sistema de videoconferencia, se non só utilizar a plataforma para depositar materiales ou preparar probas de avaliación de adquisición de coñecementos, usar chats, foros... Hai distintas ferramentas que se poden utilizar, algunhas vinculadas á coincidencia no tempo do profesor e o estudante e outras non. Os estudantes poderán estar onde queran e seguir a súa docencia desde calquera terminal e o profesorado poderá elixir se a imparte desde a súa casa ou desde o seu despacho o desde as aulas, porque as facultades non pechamos, o que suspendemos é a docencia presencial.

—Non deben ser días fáciles para os servizos informáticos.

—Quero agradecer o seu traballo, levan practicamente tres e catro días traballando arreo. Fundamentalmente porque moitas das ferramentas estaba previsto ilas implantando pouco a pouco e con este proceso estánse implantando todas ao mesmo tempo. E tamén se reforzou o hardware necesario, a infraestrutura necesaria. Pero valoramos que isto vai permitir unha maduración e a utilización global destas ferramentas moito máis rápida, temos que aproveitar para acelerar o proceso da súa implantación.

—¿Tamén é un reto sumar ao profesorado máis tradicional?

—A vantaxe é que toda a universidade está neste momento inmersa neste reto de actualización das metodoloxías, e iso fai piña entre todo o profesorado. Ademais, todos recoñecemos a situación excepcional na que nos atopamos, e iso fai que sexa moito máis doado que o profesorado entenda que se busca unha solución ante unha situación social complicada. Estou seguro de que todo o persoal arrimará o ombreiro. O obxectivo é que os estudantes non vexan perxudicados os seus dereitos e poidan rematar o curso con normalidade.

—¿E os estudantes que aspiran a ser universitarios o ano que vén, qué pasará coa selectividade?

—Aí o problema é que esta suspensión da docencia presencial cadra moi perto de cando ían facer as súas probas de avaliación de segundo de Bacharelato, e polo tanto é un problema importante dende o punto de vista de ensinanzas medias. Desde a CRUE (Conferencia de Rectores de Universidades Españolas) estou seguro de que facilitaremos todo o posible para intentar normalizar a situación de cara ao próximo curso. Teremos que ir axustando os calendarios tanto de ensinanzas medias como despois das probas de acceso e faremos todo o posible para que ningún se vexa perxudicado.

—¿Inevitable poñer sobre a mesa o aprazamento da ABAU?

—Eu creo que si.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Julio Abalde, reitor da UDC: «O luns teremos todo preparado para impartir de maneira non presencial todas as materias»