A homenaxe contará con música e ofrenda floral
07 ene 2025 . Actualizado a las 04:55 h.12 horas • Panteón de Galegos Ilustres en San Domingos de Bonaval • Hoxe cúmprense 75 anos do pasamento de Alfonso Daniel Rodríguez Castelao en Bos Aires. Por ese motivo, o habitual acto co que a Fundación Castelao lembraba o cabodano en Bonaval gaña en dimensión e tamén servirá para abrir as actividades conmemorativas polo 75 aniversario da morte do galeguista.
Desta volta, a Fundación Castelao, o Consello da Cultura Galega e o Museo do Pobo organizan unha homenaxe a Castelao que contará coa participación de representantes da Xunta, o Parlamento galego, a Deputación da Coruña e o Concello de Santiago, entre outras institucións. Tamén está aberta á cidadanía.
O acto comezará con música e a interpretación de pezas populares na voz da soprano Beatriz Riobó Agulla, Fernando Raña Barreiro á frauta e Alba Barreiro Mariño á arpa. A continuación, terán lugar as intervencións institucionais e unha ofrenda floral. No acto tamén colaborará a Asociación do Traxe Galego.