A cantar e bailar co «Terra de Melide»

Herba Grileira interpreta o repertorio musical do manual etnográfico da comarca


Sábado 16 • 20.30 horas • Casa da Cultura de Melide • Acceso gratuíto • Cantigas de berce, alalás, carballesas e muiñeiras que, a principios do século pasado, recolleron, entre outras pezas musicais, autores da talla de Otero Pedrayo, Vicente Risco e Florentino Cuevillas forman o repertorio que mañá interpretará parte do alumnado de Herba Grileira. A proposta desta escola de baile e música tradicionais de Melide supón levar a escena unha escolma do amplo contido musical que os citados escritores galegos deixaron para a posteridade no libro Terra de Melide, publicado, en primeira edición no 1933, polo Seminario de Estudos Galegos.

Por petición dos propios veciños, Herba Grileira volve organizar a gala de folclore popular coa que o ano pasado se sumou aos actos conmemorativos da reimpresión dese manual da etnografía comarcal, corenta anos despois da última edición. O espectáculo volverá recrear sobre o escenario da Casa da Cultura capítulos cotiás dos antepasados melidenses, aos que os artistas darán vida con vestimentas propias da época.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A cantar e bailar co «Terra de Melide»