Marcos Pererio, Oswaldo Digón e Santi Romay actúan en Negreira a favor da Cruz Vermella
20 abr 2018 . Actualizado a las 05:00 h.21 horas • Auditorio de Negreira • 10 euros • Improvisación, arte e solidariedade mestúranse nun orixinal espectáculo de comedia único e irrepetible como é Coleccionistas, con Marcos Pereiro, Oswaldo Digón, Santi Romay e a música de Cristian Leggiero, e que remata cunha poxa real de réplicas de obras de arte moi coñecidas que son escollidas polo público. Os beneficios recadados son destinados á Cruz Vermella. Negreira é hoxe a segunda parada desta xira, que botaba a andar o pasado sábado coa estrea na Illa de Arousa, baixo a dirección de Oswaldo Digón e na que participa Ainé Producións.
«Non se sabe ben o que vai tocar, serán os espectadores os que decidan, e polo tanto son os que marcan un pouco a batuta, pero sentados nas súas cadeiras, sen ningún tipo de interacción, máis que levantar o programa en man. É esa interactividade da tecnoloxía que temos hoxe en día, e o que trasladamos ao teatro», sinala Oswaldo Digón, que ademais de actor é o director da obra.