«Penso que levar vinte anos de alcalde é un valor engadido»

.

Pontevedra / La voz

A oito meses das eleccións, Lores recoñece que non se pode «durmir nos loureiros».

-¿Non existe certa dose de crispación na política local? ¿Qué pensa vostede cando lle chaman prepotente ou soberbio?

-Eu estou orgulloso do traballo que estou a facer, porque creo que teño motivos para estalo, Non quere dicir que non sexa crítico ou que non haxa que mellorar cousas. Estamos ben e non te podes durmir nos loureiros, pero tamén tes que vender positividade e que a xente se sinta orgullosa coma eu desta cidade. Si te sentes orgulloso e traballas e aportas, será mellor para todos.

-A oposición di que está canso, agotado, sen ideas...

-Ando pola rúa e percibo a sensación da xente, e non é esa. Noto moito cariño, Que a oposición me critique é algo que vai no seu papel, pero o importante é o que pensen os cidadáns, e eu percibo outra cousa. Falo deste momento, ¿eh? Non sempre foi así. No 2007, cando baixamos a sete si había xente enfadada pola rúa. O problema é que a xente que protesta ou que critica ou que insulta, que son os menos, teñen fortes altavoces. E si alguén di que isto vai medianamente ben, pois xa lle tacha de adicto ao réxime ou que ten aducido o alcalde. Claro que todo é mellorable, pero eu boto en falta propostas construtivas de verdade.

-O BNG vai recuperando a nivel xeral.

-Esa pequena sangría que tivemos, que eu penso que era necesaria...

-Home, alcalde, pequena, pequena non foi...

-Non. Foi pequena. Empeza a pensar quen marchou do BNG e pódelos levar para casa a todos. Eu non quero que volvan. Nunca o quixen.

-Nas eleccións do ano que ven vai votar xente que naceu sando vostede alcalde. ¿Non é un pouco excesivo?

-Ultimamente estou dicindo sen ningún tipo de complexo que o feito de estar vinte anos na alcaldía é un mérito. Hai xente que o pon coma algo malo, pero eu penso que estar tanto tempo é un valor engadido. E hai que estar orgulloso. Eu o estou. De levar 31 anos no Concello, 19 gobernando e que sigamos medrando. Será que estamos a facer algo ben. Ou moi ben. O outro día mo dicía unha señora: «Eu voto pola xente que me fai feliz, que me fai a cidade agradable». Iso é o mellor que se me pode dicir.

-Moita xente pensa que cando Lores marche, o BNG perderá a alcaldía.

-Iso está por ver. Eu non teño esa percepción. Os que estades aquí todos os días sabedes que isto é un equipo. Eu son a cabeza visible, e se teño unha vantaxe é que teño facilidade para as relacións sociais, xenero empatía... pero isto é un equipo. A política é marcar ritmos, marcar obxectivos... Se ti non tes unha dirección, non sabes onde vas, te estrelas por moi guapo que sexas. A percepción que hai... os cidadáns perciben que mellorou a calidade de vida, que hai unha boa xestión, que non facemos cantos de sirena...

-¿Onde se ve dentro de cinco anos?

-O outro día dixen iso de que xa penso a cinco anos vista porque temos xa unha planificación a curto e medio prazo. E tamén a máis lonxe.

-Ou sexa, que o seguinte, se repite, non ten por que ser o seu último mandato

-Non vou a contestar a esa pregunta porque a miña experiencia dicindo cousas así non é nada boa. Entón imos pensar no presente.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
20 votos
Tags
BNG
Comentarios

«Penso que levar vinte anos de alcalde é un valor engadido»