A Semana da Educación debate sobre os retos para o galego


pontevedra/la voz.

A Semana da Educación aborda nesta edición os retos e propostas para o galego no ensino. Este encontro celebrarase do 20 ao 24 de setembro, no Pazo da Cultura.

Trátase da 22 edición da Semana da Educación de Pontevedra, organizada pola Asociación Socio-Pedagóxica Galega e a Cig Ensino.

Están programados diversos obradoiros, como o de Teatro nas aulas, A sexualidade nas aulas, Tacto consciente e masaxe nas relacións, Cantos de onte para hoxe, Todos temos TICS ou Os contos non son contos, entre outros, que se desenvolveran do 21 ao 24, en horario de 17 a 19 horas.

A conferencia inaugural Será ás 17.30 horas do luns, día 20.estará a cargo de Carlos Callón, presidente da Mesa pola Normalización Lingüística, e versará sobre Do decreto ao decretazo: Retos e propostas para o galego no ensino.

E no acto de clausura, previsto para o venres 24, ás 19.30 horas, Mercedes Prieto Martínez e Marta Pereira Cotinho presentan o seu libro Zampadanzas do mundo. As autoras estarán acompañadas do ilustrador do libro, Sergio Cobos Martínez.

Os interesados en participar poden formalizar a súa matrícula nas web as-pg.com ou cig-ensino.org. O prezo é de 11 euros para afiliados, 21 para desempregados e 41 para mestres en xeneral.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

A Semana da Educación debate sobre os retos para o galego