A adega


Ourense

Hai unhas semanas o xa expresidente do goberno Pedro Sánchez, convocaba as eleccións para o Goberno central. Dende o minuto un, a executiva e todo o PP de Ourense con Manuel Baltar a cabeza e Xinzo a nivel local co noso candidato con todo o equipo do PP de Xinzo estamos apoiando. Con Ana Belén Vázquez e Miguel Viso á cabeza de Congreso e Senado, nas cámaras baixas e altas, dende Novas Xeracións de Ourense loitaremos para que tanto a nosa presidenta de honra, Ana de Bande como Viso de Arnoia, sexan os nosos representantes en Madrid para que a mocidade e todos os veciños da provincia teñan representación nas cámaras madrileñas a nivel central. Dende logo os mozos xogaremos un papel esencial para que o PP de Ourense sexa de novo o partido máis votado, non so a nivel provincial e galego, senón a nivel central. Dende o galeguismo, o municipalismo e o centrismo cos nosos alcaldes, concelleiros e concelleiras, portavoces e executivas dos partidos a nivel provincial, escoitaremos como facemos día a día as inquedanzas e propostas dos nosos veciños para así mellorar as nosas vilas e concellos. O partido que Manuel Baltar preside será o partido máis próximo aos veciños, sempre cun lema, escoitando moito e falando pouco, e dende logo seguindo as directrices e as ideoloxías dos nosos pais políticos como eran Risco, Pedrayo, Losada Diéguez ou Cuevillas, precisamente quero acabar cunha frase de Cuevillas que día a día marca a vida política: «Non desesperedes os que de verdade sintades a emoción galega, pensade sempre que calquera traballo, duro ou livián, grande ou pequeno é sempre sementeira, sementeira de Galicia».

Por José A. Parente Presidente de NN. XX.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A adega