O prazo de entrega dos orixinais rematará o 31 de xaneiro do 2025
07 sep 2024 . Actualizado a las 05:00 h.Ata o 31 de xaneiro do 2025 • Fundación Risco • Allariz • A entidade vén de convocar a décima edición do Premio Antón Risco de Novela Curta. As obras que se presenten ao mesmo deberán estar escritas en lingua galega ou portuguesa e non deberán ter sido premiadas ou publicadas, en todo ou en parte, con anterioridade.
A extensión das mesmas será dun mínimo de sesenta páxinas e un máximo de cen. Os orixinais deberán ser remitidos á sede da Fundación Risco (Rúa San Lourenzo, 3. 32.660 Allariz) e o prazo de presentación de orixinais rematará o próximo 31 de xaneiro do 2025.
O Premio Antón Risco de Novela Curta está dotado con 3.000 euros e a publicación da obra gañadora. A decisión do xurado será dada a coñecer ao longo do mes de maio. As bases contemplan que os orixinais non premiados serán destruídos.