Medio Ambiente pon en marcha campañas de divulgación do Invernadeiro e da Serra da Enciña da Lastra

A Xunta contrata un servizo de atención ao público e sensibilización, así como de campañas de promoción turística e educativas


Ourense

A Consellería de Medio Ambiente, Territorio e Vivenda acaba de asinar o contrato do servizo para o deseño e execución das campañas de divulgación, promoción do turismo de natureza sostible e educación ambiental no parque natural Serra da Enciña de Lastra, por un importe de 37.877,74 euros, e outro no Invernadeiro por 34.000 euros. A finalidade principal destas actuacións, cofinanciadas nun 80 % a través do fondo europeo para o desenvolvemento rexional ao abeiro do programa FEDER Galicia 2014-2020, é a contratación dun servizo de atención ao público e sensibilización, así como de campañas de promoción turística e educativas que contribúan á concienciación ambiental da sociedade e a un mellor coñecemento dos espazos incluídos na Rede de Parques Naturais de Galicia. O contrato licitouse o pasado mes de marzo dividido en seis lotes: un por cada un dos seis parques naturais existentes en Galicia. Da prestación do servizo de promoción e divulgación dos valores existentes na Serra da Enciña da Lastra, no Concello de Ourense, encargarase a empresa Puertas Afuera, Comunicación Medioambiental y Cultural SL, que acaba de asinar o contrato por un período de 24 meses. Entre as actividades que terá que desenvolver para acadar este obxectivo figuran campañas, actividades e obradoiros de educación, sensibilización e divulgación ambiental, conservación da natureza e Rede Natura 2000 que se impartirán fundamentalmente no Centro de Visitantes do Concello de Rubiá. En O Invernadeiro encargarase a empresa Oficina Técnica Demontes SLU, que acaba de asinar o contrato por un período de dous anos e as actividades levaranse a cabo, fundamentalmente, no Centro de Visitantes de Ribeira Pequena, no concello ourensán de Vilariño de Conso.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Medio Ambiente pon en marcha campañas de divulgación do Invernadeiro e da Serra da Enciña da Lastra