«A xente que participa no FIB pode expresar o que desexe»

Ico é o responsable da asociación cultural Óscar Allos, entidade encargada de levar a cabo, un ano máis, o festival

E. F.
Ourense / La Voz

Ás 20.30 horas da tarde comezará a sétima edición do Festival Internacional do Barbaña (FIB). Unha actividade que pon punto e final, por este ano polo menos, ás distintas xornadas culturais e gratuítas organizadas pola asociación EsCua o longo deste verán nas rúas ourensás.

-Como naceu o FIB?

-O obxectivo principal era xuntar a todos os membros de EsCua para finalizar o Veranearte todos xuntos e dunha forma divertida. Pero dende fai algúns anos a xente foise animando a participar e fomos crecendo.

-Con cantos participantes contarán este ano?

-Pois polo de agora contamos con dez máis ou menos pero sempre hai xente que se apunta a última hora ou que se decide no momento.

-Considera que o FIB é un evento que está gañando notoriedade ano tras ano?

-Non sei se é o FIB en si. O que podo asegurar é que o Veranearte conta cada vez con máis xente e afluencia nas súas actividades.

-Moitas das letras e as cancións que se presentan teñen certo ton crítico. É o FIB unha especie de espazo de reivindicación e expresión cidadá?

-Pois claro, é un espazo noso e público, de aí a importancia de que se realice nas rúas. A xente que acude e participa pode expresar o que desexe.

-Algunha vez tiveron problemas por estas letras?

-A verdade é que non, son críticas e hai que saber aceptalas.

-Contan con algún tipo de axuda económica para levar a cabo estas xornadas?

-Non, non temos ningún tipo de axuda. Todo o que facemos, facémolo cos nosos recursos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«A xente que participa no FIB pode expresar o que desexe»