O alcalde de Vilardevós quere facer unha residencia para a terceira idade, unha gardería e unha gasolineira para non ir repostar a Verín.
-¿De que vive Vilardevós?
-Do que fai a xente. Patatas, poucas, gandeiría hai tres vecinos con vacas. O resto traballa en Verín e os maiores están cobrando todos. A agricultura aquí non da nada. Hai unha fábrica de mobles de cociña que leva varios anos en servizo e chegou a ter 60 empregados, agora anda pola metade.
-¿Que lles representa Verín?
-Dependemos de Verín para todo e o peor é que hai onde mercar en Vilardevós e a xente vai facelo a Verín.
-¿Como andan de tendas?
-Hai dous supermercados, dúas carnicerías e nada máis.
-E bares...
-Cinco e todos teñen xente.
-¿Que pensa do poder, Manuel?
-Como traballador da construción vivía tranquilo. Aínda así metinme na política porque ves que as cousas fanse mal e non che empeza a gustar. Non me sinto poderoso neste posto, son un veciño máis. Ese poder non me atrae. Vivo da miña empresa.
-¿Irá de vacacións este verán?
-Non terei porque acabo de comezar coa alcaldía.
-Un descansiño haberá...
-Se cadra algún fin de semana.
-¿En que usa o tempo libre?
-En ir á caza do coello. Non fago deporte, xa o fixen de mozo.