Martínez escapa das críticas que rodean ó seu nomeamento, especialmente as que consideran que Feijoo busca minar o poder de Baltar:
-A Deputación ten as súas competencias e a Xunta as súas. Desde logo coa persoa que elixiron de delegado moito menos vai haber contrapoder. Mal podo ser contrapoder dunha administración que levo 18 anos nela nin dun presidente que é o meu presidente.
-¿Catapúltalle este nomeamento como sucesor de Baltar na presidencia provincial do partido?
-Non estou nesa guerra nin moitísimo menos. De momento o que hai é un congreso rexional e alí estaremos todos ó lado do presidente e do que el decida. Eu sempre fun un home leal ó partido e ó seu presidente, que é Alberto Núñez.
-¿Que pensa de que Baltar dixera que vostede non era a súa principal aposta?
-Eu non sei a quen prefería, nin o sei nin me importa. Eu desde logo postuleime ante Baltar hai tempo e puxen enriba da mesa o meu capital político. Sei que el falou co presidente e entre os dous chegaron a este entente. Nomeoume quen me ten que nomear e dende logo non en contra de José Luis Baltar.