TEMAS DO PAÍS | O |
16 jul 2005 . Actualizado a las 07:00 h.COIDO que xa os romanos deixaron constancia da ineptitude dos «interfeutos» no miliario de Zaparín. Cortegada vila miñota, no Ribeiro case raiano con Portugal, nun dos días primeiros de xullo soleado e sen abafos, festividade de santa Uxía. Cortegada, remanso de tranquilidade no medio dos «estresses» urbanos... É para se ciscar no demo!, o balneario, Baños de Cortegada, fechado, termalismo de cortello, digo de Cortegada, que así nos vai, que quizais tan só traballe en xaneiro. Sen indicadores, accesos intransitabeis, baleiro de paneis informativos que anuncien a tempada, a oferta dos baños, os beneficios das augas, a gastronomía, as viaxes en catamarán..., pantalán sen catamarán, sen horarios. E menos mal que non fuxíu o Miño, que segue no seu lugar. Que se marchen os políticos sen vergoña, o responsable do Padroado de Turismo por irresponsable, Baltar & Baltar polo de sempre, o alcalde por inútil, por incompetente e por tódolos «in» que lle quieran por. Ai!, se Bouza-Brey espertara do seu sono...