DIARIO DE AURIA | O |
06 may 2005 . Actualizado a las 07:00 h.O NÚMERO dous do Pepé (que, como todos sabemos, é o número un) afirma que o seu partido anda na procura do noveno deputado. Algúns tómano a risa. Outros, máis sensatos, pensan que o noveno está a caer, que Baltar chegará a rondar o sesenta por cento e que as grandes ideas socialistas e nacionalistas naufragarán. Grandes ideas: Pachi encabezando o Pesoe e Quintana a lista da Coruña. No fondo, cheguei a pensar algunha vez, a esta provincia interésalle que siga todo como está. Que o Nene suceda ao virrei e que o nene do nene suceda ao nene, e así sucesivamente. Ourense é diferente. Mentres as demais provincias son encabezadas polo actual presidente e os dous vicepresidentes, aquí, toma del frasco, collen a Amparito e reclaman o noveno. Amparito, de gran futuro, afirma Xosé Manuel Baltar. Qué importa o futuro. O máis inmediato está aquí, o 19 de xuño, e parece estar todo atado e ben atado. A ver se os que aplauden a Pachi seguen aplaudindo e os que ven acertada a decisión de Quintana de encabezar A Coruña (e non a súa provincia natural) seguen pensando o mesmo o vinte de xuño. En tanto, el Nene, que de tonto no tiene un pelo, seguirá na procura do noveno. Y a mí, como cada año, me cantarán eso de si no eres del Pepé...