DIARIO DE AURIA | O |
27 sep 2003 . Actualizado a las 07:00 h.VIVIR en Ourense qué bonito é... Vivir en Ourense resulta marabilloso por dous sonoros motivos. Un: o sentido do humor. Dous: o sentido da ficción. Ficción e humor cabalgan inseparables polos prados verdes verdísimos de Auria. Xa saben vostedes que recibiremos 4800 millóns de euros en infraestructuras, que seremos o centro comunicador de Galicia, que somos los más mejores y que nos salimos de la foto, por guapos. Saben vostedes que o Concello admite e despide, no mesmo acto, aos seus traballadores. Saben que Pachi Vázquez se pone serio como opositor en la Diputación (igualito que Bambi Zapatero: no lo cree ni Dios). Saben que o Partido Popular quere regular os postos de traballo na Deputación (pregúntome, oh virrei meu virrei, qué demo quere dicir a expresión «regular postos de traballo na Deputación»; ¡de regular nada, coño, aquí todo sobresaliente!) Saben que querían construír un embalse secreto en Ambía. E sabendo todo isto, queridas e queridos, vostedes saben que o humor e a ficción son os nosos avales para ganar o paraíso. Menos mal que a colleita de viño foi excelente que, de non ser así, agora mesmo estaba pedindo o autoexilio.